Mikilvægt er að láta setja upp hraðahindrun með gangbraut yfir Austurbrún. Hraðahindrunin er nauðsynleg til að hægja á umferð en hámarkshraði í götunni er 30 km/klst en hvorki einkabílar né Strætó virða það hámark. Gangbrautin er afskaplega nauðsynleg íbúum og þá sérstaklega börnum og eldra fólki í hverfinu. Milli Austurbrúnar og Kambsvegs er vinsælt leiksvæði fyrir börn en aðgengi að leikvellinum er mjög slæmt þar sem engar gangbrautir eru yfir göturnar sem liggja í kringjum leikvöllinn.
Mikið er af gangandi eldra fólki á þessum slóðum vegna nálægðar við Hrafnistu og ekki síst Fríðuhús (dagvistun minnissjúkra) sem stendur við Austurbrún. Göngustígar liggja að Austurbrúninni beggja vegna en engin gangbraut er þar á milli til að tengja göngustígana.
This content is created by the open source Your Priorities citizen engagement platform designed by the non profit Citizens Foundation