Hugmyndin er að prófa að aftengja niðurfall frá þaki og búa til regngarð, og/eða "plöntubox" í götu, þar sem regnvatnið frá götu rennur í gegnum skurð í kantstein í beð með plöntum, til dæmis á vatnasviði Úlfarsá. Fleiri upplýsingar um svokallað græn infrastruktúr eru að finna t.d. á vef bandaríska umhverfisstofnunar : http://water.epa.gov/infrastructure/greeninfrastructure/gi_what.cfm
Í Grafarholti og Úlfarsárdal er mikið pláss en einnig mikið af þéttum flötum, húsþökum, götum og bílastæðum. Í rigningunni getur vatnið þaðan ekki síast ofan í jörðina, heldur fer í niðurföll, og þaðan í gegnum ræsi óhreinsað og hratt í næsta á, eða í fjörina. Ofanvatnið úr Grafarholti endar í Úlfarsá, í Grafarlæk og í Grafarvogi. Þegar ofanvatnið væri látið síast ofan í jörðina með því að aftengja niðurfall, þá yrði það hreinsað á náttúrulegan hátt og skilaði sér með jafnara móti í ána.
This content is created by the open source Your Priorities citizen engagement platform designed by the non profit Citizens Foundation