Strætisvagnar gangi lengur á kvöldin

Hæ Hvernig er hægt að réttlæta það að strætisvagnar gangi ekki lengur en til rúml. 22 t.d. Síðasti vagn frá Hlemm í Mos er kl:22:18. Ég tók afstöðu síðastliðið vor og seldi bílinn minn og keypti mér hjól, ég sé ekki eftir því en ég á erfiðara með að komast í bæinn t.d. í bíó, á leiksýningar, tónleika, sækja vinnu og þetta er langt að hjóla. Mig langar ekki að kaupa mér bíl og ég vona að samgöngur verði bættar á kvöldin svo ég geti stundað umhverfisvænann ferðamáta áfram of verið góð fyrirmynd :)

Er ekki komið nóg af þessum endalausu breytingum hjá strætó sem skerða niður þá þjónustu sem strætó hefur uppá að bjóða. Þetta er fyrir löngu komið niður á okkur sem viðskiptavini strætó og þessar endalausu og neikvæðu breytingar hafa valdið því að við höfum minni áhuga á að nota strætó. Þetta er fyrir löngu komið uppí kok á okkur sem eru viðskiptavinir strætó. Það að strætó hætti of snemma á kvöldin, eða kl. 22., það er ekkert vit í slíkri þjónustu. Strætó þarf að ganga lengur á kvöldin!

Af tiltölulega löngum lista yfir úrbætur á strætókerfinu sem fólk vill sjá (aukin tíðni, betri upplýsingar í biðskýlum, bílstjórar geti skipt pening, næturstrætó, o.s.frv.) þá held ég að þetta eigi að vera efst á forgangslistanum. Það er sorglegt að stofnanir í almannaeigu eins og t.d. Landspítalinn þurfi að leggja út í aukinn kostnað til að starfsfólkið komist heim á kvöldin af því að það þarf að spara í annarri stofnun í almannaeigu (strætó).