Að götumynd Laugavegar sé í réttri tímaröð.

Viltu þá láta rífa öll hús á Laugaveginum og byggja ný?,

Myndun Laugavegarins og húsa sem við hann standa hélst í hendur við vöxt Reykjavíkur í austurátt. Hugmynd mín að skipulagi Laugavegar er einmitt byggð á þessari þróunarsögu Reykjavíkur. Laugavegur ætti að vera einhverskonar þverskurður af Reykjavík á tímabilinu 1850 til 2000 þar sem elstu húsin standa neðst við gatnamót Skólavörðustígs og yngstu húsin standa efst við Hlemm. Þarna á milli er húsum raðað í tímaröð, eða réttara sagt skipulagssvæði milli þvergatna eru helguð tímabilum í aldursröð.