Skemmtistaðir og pöbbar opnir til 01.00 eftir miðnætti

Í stað þess að fólk fari ekki að skemmta sér niður í bæ fyrr en kl. 01.00 eftir miðnætti eins og það gerir í dag og fer heim kl. 05.00 eða er lengur þá er að kvetja fólk til að fara fyrr að skemmta sér t.d. kl. 9.00 og fara heim kl. 01.00 eftir miðnætti. Því líður líka miklu betur daginn eftir og dagurinn nýtist betur.

Ef fólk langar að fara fyrr út að skemmta sér, þá fer það fyrr út að skemmta sér. Þeir sem eru úti að skemmta sér um helgar eru fullorðnir og sjálfráða, ekki leikskólabörn, og þurfa því ekki að taka við fyrirmælum frá öðrum um hvað sé þeim hollt. Hins vegar mætti skoða hug íbúa í nágrenni skemmtistaðanna, og ef meirihluti þeirra er á móti næturopnun skemmtistaða þá flytja þá í önnur hverfi sem setja sig ekki upp á móti þeim.

Auk þess sem áður var sagt, þá eru ástæður þess að fólk kemur seint í bæinn (og langar því seinna heim) fleiri en það að staðirnir séu opnir lengi. T.d. held ég að hátt verð á áfengi vegna himinhárra skatta á því sé meiri áhrifavaldur í því samhengi - fólk vill drekka ódýrt heima/í partýi til að þurfa ekki að eyða jafn miklu þegar komið er á barinn. Lækkun áfengisskatta væri þ.a.l. áhrifameiri við að koma fólki út fyrr (og því heim fyrr) en að færa til lokunartíma staðanna, ef þess væri óskað.

Var ekki vandamálið þegar þeim var lokað kl 3 að skemmtunin færðist frekar inn í hverfin og heimahús eftir lokun með tilheyrandi röskunum og óþægindum. Að auki mundi ég ætla það of stórt stökk að færa opnunartímann frá 5 upp í 1. Eitthvað sem ég gæti trúað að væri erfitt að fá bæði rekstrarfólk veitingahúsa sem og neytendur til að samþykkja svo glatt.

fullorðið fólk og skemmtistaðaeigendur eiga fá að ráða sínum högum sjálf