Gangstígar/stéttir innan Bakkahverfisins eru illa farnir. Bæði gangandi og hjólandi vegfarendur eru í hættu dags daglega. Gangstígar bunga upp þar sem þeir eru malbikaðir og/eða steyptir. Hellulagnir eru víða illa farnar. Kantar við stéttar eru molnaðir og í raun er orðið hættulegt að fara um á sumum stöðum. Í bakkahverfi býr fjöldi manns og þar á meðal eru margir af erlendu bergi brotnir sem kunna ekki á kerfið og myndu aldrei setja sínar hugmyndir inn hér.
Í Breiðholtinu býr fullt af fólki. Í Bakkahverfi búa ca. 5000 manns. Hverfið er að eldast, en fullt af fólki velur að búa í hverfinu sínu áfram. Hreyfing er lífsnauðsynleg fyrir alla og ekki síst þá sem eru komnir á efri ár. Svo eru það börnin okkar dýrmætu sem eru endalaust að detta á hjólunum sínum vegna þess að stéttin bungar skyndilega upp eða hellulögnin er orðin svo illa farin að hún myndar strýtur á stígnum. Ég er alltaf mjög varkár þegar ég kem heim úr strætó en hef samt dottið of oft :(
This content is created by the open source Your Priorities citizen engagement platform designed by the non profit Citizens Foundation